Teri yaad mein...!!!

Tanha nahin kat-ta ab safar,
judai dhaati hai mujhpar kahar;
Kaas paas hote tum is pahar,
phir aate nahi duniya ko hum nazar.

Khayalo me tum rehte ho sada,
shayad ise hi kehte hain wafa;
Samay ki koi pabandi nahi reh gayi hai,
tum mujhme, mai tum-me rehti hun sada.

Sapno me tum aate ho,
pyaar bhare do bol sunate ho;
Yun sapno me aakar tum,
mujhko bahut satate ho.

Ho jaata hai jab savera,
sirf chehra nazar aata hai tera;
Teri pyaar bhari muskaan ki soch se,
safal ho jaata hai din mera.

Ho raha hai jo haal mera teri yaad me,
shayad wahi haal ho raha hoga tera meri yaad me;
Bas tanhayi ke kshan kuch aur reh gaye hain,
isi barsaat ke mausam me hum phir mil rahe hain.

Ye hausla...!!!

Nigahon ki zuban nahi hoti,
Jazbaton ki paribhasha nahi hoti....

Yun to har chahne wala dil, samjh jaata hai ishaaro ko;
Dil na lage to manchahe geeton me bhi sur nahin hoti...


Waise to har dayre me simat jaati hai zindagi,
Chahat na ho to panchiyon ke liye bhi udaan asaan nahi hoti 

Har padav pe ruk kar ye na sochna ki manzil mil gayi,
Nek Iraade na ho to chaand pe kadam humari aaj kamyab na hoti...