 |
| Courtesy: Google images |
Savere savere aaj yunhi,
Jab dekha humne khud ko aayine me....
Nazar padi jab in nazro pe,
Koi tha ek saya sa jaise....
Kaun?
Kya mai?
Haan shayad....
Nahi wo mai nahi....wo to wo hai jo tumhare aankho me hai basi....
Haan wahi mai...jo noor hai tumhara,
Gooroor hai tumhara....
Khil uthi nazre meri sochke ki,
tum mujhme aur mai tumme baste hai sada....
Ek teeka humne aayine pe laga diya,
Nazaro se bacha liya un nazro ko jisme tumhari mai dikhti hun sada....
Waqt bit raha khayalo me yunhi,
Jhilmil sitare bhi raah dekh rahe tumhari....
Saundhi saundhi khushboo me,
Madham madham hawaye hai chal rahi....
Paas aa jao ab ki shaam dhal rahi....
Chand ki deewangi bhi ab mujhe chhed rahi....
